ಗುರುವಾಯನಕೆರೆ : (ಆ.6): ಡಿಪಿ ಜೈನ್ ಕಂಪನಿಯ ಕಾರ್ಮಿಕ ಆತ್ಮಹತ್ಯೆಗೆ ಯತ್ನ ನಡೆಸಿದ ಘಟನೆ ನಡೆದಿದೆ . ಗುರುವಾಯನಕೆರೆಯ ರೇಷ್ಮೆ ರಸ್ತೆಯಲ್ಲಿರುವ ಕಚೇರಿಯ ಯಾರ್ಡ್ ನಲ್ಲಿ ಈ ಘಟನೆ ನಡೆದಿದೆ. ಪ್ರಮೋದ್ ಜಾಡೆ ಎನ್ನುವ ಕಾರ್ಮಿಕ ಆತ್ಮ ಹತ್ಯೆಗೆ ಯತ್ನ ನಡೆಸಿದ ಯುವಕ. ಕೂಡಲೇ ಯುವಕನನ್ನು ಬೆಳ್ತಂಗಡಿ ಸರ್ಕಾರಿ ಆಸ್ಪತ್ರೆಗೆ ತರಲಾಗಿದೆ . ಅಲ್ಲಿಂದ ಪ್ರಮೋದ್ ನನ್ನು ಮಂಗಳೂರು ಆಸ್ಪತ್ತೆಗೆ ಕರೆದುಕೊಂಡು ಹೋಗಲಾಗಿದೆ.
ಆತ್ಮಹತ್ಯೆಗೆ ಕಾರಣವೇನು ..?
ಡಿಪಿ ಜೈನ್ ಕಂಪನಿ ಯ ಅಧಿಕಾರಿಗಳ ಮಾಹಿತಿ ಪ್ರಕಾರ ಇಂದು ಮುಂಜಾನೆ ಪ್ರಮೋದ್ ತಂದೆ ಸಾವನಪ್ಪಿದ್ದರು . ಹೀಗಾಗಿ ತಂದೆಯ ಸಾವಿನಿಂದ ಮನನೊಂದು ಆತ್ಮಹತ್ಯೆಗೆ ಯತ್ನ ನಡೆಸಿದ್ದಾನೆ ಎನ್ನಲಾಗಿದೆ.
3 ತಿಂಗಳಿಂದ ಸಂಬಳ ಸಿಕ್ಕಿಲ್ಲ ..!
ಡಿಪಿ ಜೈನ್ ಕಂಪನಿ ಯ ಕಾರ್ಮಿಕರು ೨ ದಿನದಿಂದ ಪ್ರತಿಭಟನೆ ನಡೆಸುತ್ತಿದ್ದಾರೆ. ೩ ತಿಂಗಳಿನಿಂದ ಸಂಬಳ ಸಿಗದ ಹಿನ್ನೆಲೆ ಮುಷ್ಕರದಲ್ಲಿದ್ದಾರೆ. ಪ್ರಮೋದ್ ಕೂಡ ಈ ಸಂಸ್ಥೆಯ ಕಾರ್ಮಿಕನಾಗಿದ್ದು . ಡ್ರೈವರ್ ಆಗಿ ಕೆಲಸ ಮಾಡುತಿದ್ದಾನೆ.