ಪುಂಜಾಲಕಟ್ಟೆ:(ಜ.25) 20 ವರ್ಷಗಳ ಕಾಲ ಭಾರತೀಯ ಸೇನೆಯಲ್ಲಿ ಸೇವೆ ಸಲ್ಲಿಸಿ ನಿವೃತ್ತರಾದ ವಿಕ್ರಂ ಜೆ.ಎನ್‌. ವಂಜಾರೆ ರವರಿಗೆ ಹಳೆ ವಿದ್ಯಾರ್ಥಿ ಮಿತ್ರರು , ಪುಂಜಾಲಕಟ್ಟೆ ವತಿಯಿಂದ ಸನ್ಮಾನ ಮಾಡಲಾಯಿತು.
ಇದನ್ನೂ ಓದಿ: Bantwala: ಬಾಲಕಿಗೆ ಲೈಂಗಿಕ ಕಿರುಕುಳ
ವಿಕ್ರಂ ಜೆ.ಎನ್‌. ರವರು ಎಪ್ರಿಲ್‌ 28 , 2005 ರಂದು ಭಾರತೀಯ ಭೂಸೇನೆಗೆ ಆಯ್ಕೆಗೊಂಡು , ಮಹಾರಾಷ್ಟ್ರದ ಪುಣೆಯ ಸೈನಿಕ ತರಬೇತಿ ಕೇಂದ್ರದಲ್ಲಿ ಎರಡು ವರ್ಷಗಳ ಕಾಲ ತರಬೇತಿಯನ್ನು ಪಡೆದು, ಭಾರತಮಾತೆಯ ಹೆಮ್ಮೆಯ ಸುಪುತ್ರನಾಗಿ, ವೀರಯೋಧನಾಗಿ -30 ಸೆಲ್ಸಿಯಸ್‌ ನಷ್ಟು ಕೊರೆಯುವ ಚಳಿಯನ್ನೂ ಲೆಕ್ಕಿಸದೇ,
ಜಮ್ಮು – ಕಾಶ್ಮೀರ , ಲಡಾಖ್‌, ಪಂಜಾಬ್‌ ರಾಜ್ಯಗಳ ಗಡಿಭಾಗಗಳಲ್ಲಿ , ಉತ್ತರಪ್ರದೇಶ, ಉತ್ತರಾಖಂಡ್‌, ಜೋದ್‌ ಪುರ್‌, ರಾಜಸ್ಥಾನದ , ಸೂರತ್‌ ಗಳಂತಹ ಸೂಕ್ಷ್ಮ ಪ್ರದೇಶಗಳಲ್ಲಿ, ಗಾಳಿ – ಮಳೆ- ಬಿಸಿಲಿನಂತಹ, ಅಪಾಯಕರ ಪರಿಸ್ಥಿತಿಯಲ್ಲಿಯೂ , ಯುದ್ಧ ಬಂಕರ್‌ ಗಳನ್ನು ಮುನ್ನಡೆಸುತ್ತಾ, ಭಾರತೀಯರ ರಕ್ಷಣೆಗಾಗಿ ತಮ್ಮನ್ನು ಅರ್ಪಿಸಿಕೊಂಡು ” ನಾಯಕ್” ರ್ಯಾಂಕ್‌ ನೊಂದಿಗೆ ಅನೇಕ ಗೌರವ ಮೆಡಲ್‌ ಗಳನ್ನು ಪಡೆದಿದ್ದಾರೆ.
ಈ ಸಂದರ್ಭದಲ್ಲಿ ಜಯಂತ್‌ ಪೂಜಾರಿ, ಮಹೇಶ್‌ ಜೇಂಕ್ಯಾರ್‌, ವಿನ್ಸೆಂಟ್‌ ಮೋರಸ್‌, ಮಂಜುನಾಥ್‌ ದಾಸ್‌, ಪ್ರವೀಣ್‌ ಶೆಟ್ಟಿ, ನವೀನ್‌ ಶೆಣೈ, ಜಯಂತ್‌ ಕುಲಾಲ್‌, ಆಶಾ ಕುರುಡಾಡಿ, ಪ್ರತಿಮಾ, ಭಾರತಿ ಪೂಜಾರಿ, ಭವ್ಯ ಶೆಟ್ಟಿ, ಇಂದುಶ್ರೀ ಜಯಂತ್‌ ಪಾಲ್ಗೊಂಡಿದ್ದರು.
