ಬೆಳ್ತಂಗಡಿ, ಜ.31 ( ಯು ಪ್ಲಸ್ ಟಿವಿ): ಗ್ರಾಹಕರ ಪ್ರೀತಿಗೆ ಪಾತ್ರರಾದ ಉಜಿರೆಯ ಹೆಮ್ಮೆಯ ಅನಂತ್ ಮೋಟರ್ಸ್ ನಲ್ಲಿ ಹೀರೋ ಕಂಪನಿಯ ಡೆಸ್ಟಿನಿ 125 ಎಕ್ಸಟೆಕ್‌ನ ಸ್ಕೂಟರ್ ನ ಲಾಂಚಿಂಗ್ ಕಾರ್ಯಕ್ರಮ ಜ.30 ರಂದು ನಡೆಯಿತು.
ಇದನ್ನೂ ಓದಿ: Udupi: ಕೆಲಸ ಕೊಡಿಸುವುದಾಗಿ ನಂಬಿಸಿ ಮಹಿಳೆಯನ್ನು ವೇಶ್ಯಾವಾಟಿಕೆಗೆ ತಳ್ಳಿದ ವ್ಯಕ್ತಿ
ಧರ್ಮಸ್ಥಳ ಕೆಎಸ್ಆರ್ಟಿಸಿ ಡಿಪೋ ಇದರ ನಿವೃತ್ತ ಬೋಧಕ ಸಿಬ್ಬಂದಿಯಾಗಿರುವ ಎಚ್‌ಪಿ ರಾಜು ಅವರು ಡೆಸ್ಟಿನಿ 125 ಎಕ್ಸಟೆಕ್ ಸ್ಕೂಟರ್ ನ ಲಾಂಚಿಂಗ್ ಕಾರ್ಯಕ್ರಮವನ್ನು ನೆರವೇರಿಸಿ ಕೊಟ್ಟರು.
ಬಳಿಕ ಅವರು ಹೀರೋ ಕಂಪನಿಯ ಡೆಸ್ಟಿನಿ 125 ಎಕ್ಸಟೆಕ್‌ನ ಸ್ಕೂಟರ್ ಹಾಗೂ ಅನಂತ್ ಮೋಟರ್ಸ್ ನ ಕುರಿತು ಮೆಚ್ಚುಗೆಯ ನುಡಿಗಳನ್ನಾಡಿದರು. ಮ್ಯಾನೇಜರ್ ಆಗಿರುವ ಜೋಸನ್ ಜೋಸೆಫ್ ಅವರು ಡೆಸ್ಟಿನಿ 125 ಎಕ್ಸಟೆಕ್‌ನ ಸ್ಕೂಟರ್ ಕುರಿತು ಸಂಕ್ಷಿಪ್ತ ಮಾಹಿತಿ ನೀಡಿದರು.
ಹಿರಿಯ ಮೆಕ್ಯಾನಿಕ್ ಆಗಿರುವ ಚಂದ್ರ ಅವರು ಹೀರೋ ಕಂಪನಿಯ ಡೆಸ್ಟಿನಿ 125 ಎಕ್ಸಟೆಕ್‌ನ ಸ್ಕೂಟರ್‌ನ ವಿಶೇಷತೆಯ ಬಗ್ಗೆ ಮಾತನಾಡಿದರು. ಇದೇ ವೇಳೆ ಕೆಎಸ್ಆರ್ಟಿಸಿ ಡಿಪೋದ ಮಹೇಶ್ ಎಆರ್ ಅವರಿಗೆ ಮೊದಲ ಗ್ರಾಹಕರಾಗಿ ಡೆಸ್ಟಿನಿ 125ಯನ್ನು ಹಸ್ತಾಂತರ ಮಾಡಲಾಯಿತು.
ಸಂಸ್ಥೆಯ ಮ್ಯಾನೇಜಿಂಗ್ ಪಾಟ್ನರ್ ವೀಣಾ ಭಟ್ ಅವರು ಅತಿಥಿಗಳನ್ನು ಸ್ವಾಗತಿಸಿದರು. ಅನಂತ್ ಮೋಟರ್ಸ್ ನ ಮಾಲಕರ ಪತ್ನಿ ಶಿಲ್ಪಾ ಸೋಮಯಾಜಿ ಧನ್ಯವಾದ ಅರ್ಪಿಸಿದರು. ಈ ಸಂದರ್ಭ ಸಂಸ್ಥೆಯ ಮಾಲಕರಾದ ವಿಕ್ರಾಂತ್ ಸೋಮಯಾಜಿ , ಬೆಳ್ತಂಗಡಿ ಶ್ರೀ ರಾಮ್‌ ಫೈನಾನ್ಸ್ ಇದರ ಪುಷ್ಪರಾಜ್, ಆಕ್ಸಿಸ್ ಬ್ಯಾಂಕ್ ಬೆಳ್ತಂಗಡಿ ಶಾಖೆ ಇದರ ಪ್ರದೀಪ್ ಮತ್ತು ಕಾವ್ಯ, ಬಜಾಜ್ ಫೈನಾನ್ಸ್ ಬೆಳ್ತಂಗಡಿ ಇದರ ಯತೀಶ್ ಮತ್ತು ಅನಂತ್ ಮೋಟರ್ಸ್ ಇದರ ಸಿಬ್ಬಂದಿ ವರ್ಗ ಉಪಸ್ಥಿತರಿದ್ದರು.
