ಕೊಲ್ಲೂರು: (ನ.25) ಕಾಂತಾರ-1 ಚಿತ್ರದ ಶೂಟಿಂಗ್ಗೆ ತೆರಳುತ್ತಿದ್ದಾಗ ಮಿನಿ ಬಸ್ ಪಲ್ಟಿಯಾದ ಘಟನೆ ಕೊಲ್ಲೂರು ಮಾರ್ಗದಲ್ಲಿ ನಡೆದಿದೆ. ಅಪಘಾತದಲ್ಲಿ 6 ಜನ ಕಲಾವಿದರು ಗಂಭೀರವಾಗಿ ಗಾಯಗೊಂಡಿದ್ದಾರೆಂದು ತಿಳಿದುಬಂದಿದೆ.
ಇದನ್ನೂ ಓದಿ: ⭕ಕಾನ್ಪುರ: ಚಲಿಸುತ್ತಿದ್ದ ರೈಲಿನಿಂದ ಹಾರಿದ ಮಹಿಳೆ
25 ಡ್ಯಾನ್ಸರ್ಗಳು ಕಾಂತಾರ ಸಿನಿಮಾದ ಶೂಟಿಂಗ್ಗಾಗಿ ಮಿನಿ ಬಸ್ನಲ್ಲಿ ತೆರಳುತ್ತಿದ್ದಾಗ ಜಿಲ್ಲೆಯ ಬೈಂದೂರು ತಾಲೂಕಿನ ಕೊಲ್ಲೂರು ಮಾರ್ಗದಲ್ಲಿ ಮಿನಿ ಬಸ್ ಪಲ್ಟಿಯಾಗಿದೆ.
ಗಾಯಾಳುಗಳನ್ನು ಜಡ್ಕಲ್ ಮಹಾಲಕ್ಷ್ಮಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕುಂದಾಪುರದ ಮುದೂರಿನಿಂದ ತೆರಳುವಾಗ ಈ ಘಟನೆ ನಡೆದಿದೆ. ಹಾಡಿನ ಚಿತ್ರೀಕರಣವು ಕರಾವಳಿ ಭಾಗದಲ್ಲಿ ನಡೆಯುತ್ತಿದ್ದು, ಅಲ್ಲಿಗೆ ನೃತ್ಯ ಕಲಾವಿದರು ತೆರಳುತ್ತಿದ್ದಾಗ ಈ ಅಪಘಾತವಾಗಿದೆ.
ಮೊನ್ನೆಯಷ್ಟೇ ಕಾಂತಾರ ಚಿತ್ರ ತಂಡದಿಂದ ಚಾಪ್ಟರ್ 1ರ ರಿಲೀಸ್ ದಿನಾಂಕವನ್ನು ಘೋಷಣೆ ಮಾಡಲಾಗಿದ್ದು, ಇದರ ಬೆನ್ನಲ್ಲೇ ಚಿತ್ರತಂಡಕ್ಕೆ ಭಾರೀ ಆಘಾತವಾಗಿದೆ.
