ಹಿರಿಯಡ್ಕ:(ನ.26) ಅಕ್ರಮವಾಗಿ ಕೋಳಿ ಅಂಕ ನಡೆಸುತ್ತಿದ್ದ ವೇಳೆ ಹಿರಿಯಡ್ಕ ಪೊಲೀಸರು ದಾಳಿ ನಡೆಸಿ ಏಳು ಮಂದಿ ಆರೋಪಿಗಳನ್ನು ಬಂಧಿಸಿ, ಜೂಜಾಟಕ್ಕೆ ಬಳಸಿದ್ದ ಪರಿಕರ ವಶಕ್ಕೆ ಪಡಿಸಿಕೊಂಡಿರುವ ಘಟನೆ ಉಡುಪಿ ತಾಲೂಕು ಪೆರ್ಣಂಕಿಲದಲ್ಲಿ ನಡೆದಿದೆ.
ಇದನ್ನೂ ಓದಿ: 🛑ಬೆಳ್ತಂಗಡಿ: ಉಜಿರೆ, ಇಳಂತಿಲ ಹಾಗೂ ಕುವೆಟ್ಟು ಗ್ರಾ.ಪಂ 3 ಸದಸ್ಯ ಸ್ಥಾನಕ್ಕೆ ಉಪಚುನಾವಣೆ
ಬಂಧಿತ ಆರೋಪಿಗಳನ್ನು ವಿಜಯ ಪ್ರಕಾಶ್‌ , ರಾಜೇಶ್‌, ಗಣೇಶ, ಮಹೇಶ, ಮೆಲ್ವಿನ್, ಭೋಜ, ರವೀಂದ್ರ ಎಂದು ತಿಳಿದು ಬಂದಿದೆ.
ಆರೋಪಿತರುಗಳ ಬಳಿ ಇದ್ದ ಕೋಳಿ ಅಂಕಕ್ಕೆ ಬಳಸಿದ 20 ಕೋಳಿ ಹುಂಜಗಳು ಹಾಗೂ ಆರೋಪಿತರುಗಳ ಬಳಿ ಇದ್ದ ನಗದು 14,640/- ರೂಪಾಯಿ ವಶಪಡಿಸಿಕೊಂಡಿದ್ದಾರೆ.
ಈ ಬಗ್ಗೆ ಹಿರಿಯಡ್ಕ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
