ಬೆಳ್ತಂಗಡಿ:(ಜು.10) ಹೋಲಿ ರೆಡಿಮಿರ್ ಚರ್ಚ್ ಬೆಳ್ತಂಗಡಿ , ಭಾರತೀಯ ಕಥೊಲಿಕ್ ಯುವ ಸಂಚಾಲನಾ ಬೆಳ್ತಂಗಡಿ ಘಟಕ ಮತ್ತು icym ಇವರ ಸಹಯೋಗದಲ್ಲಿ ಗಾದ್ಯಾಂತ್ ಗೌಜಿ 2K24 ( ಕೆಸರೆಡ್ ಒಂಜಿ ದಿನ ) ಎಂಬ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು. ಈ ಕಾರ್ಯಕ್ರಮವನ್ನು ಬೆಳ್ತಂಗಡಿ ಹೋಲಿ ರೆಡಿಮಿರ್ ಚರ್ಚ್ ನ ಧರ್ಮಗುರುಗಳಾದ ಫಾದರ್ ವಾಲ್ಟೇರ್ ಡಿಮೆಲ್ಲೋ , ಬೆಳ್ತಂಗಡಿ ಹೋಲಿ ರೆಡಿಮಿರ್ ಶಿಕ್ಷಣ ಸಂಸ್ಥೆಯ ಮುಖ್ಯ ಶಿಕ್ಷಕರಾದ ಕ್ಲಿಫೋರ್ಡ್ ಡಿಸೋಜಾ , icym ಬೆಳ್ತಂಗಡಿ ಘಟಕದ ವಿಲ್ಸನ್ ನೆಲ್ಸನ್ ಮೊನಿಸ್ , ಪ್ಲಾವಿಯಾ , ಪೌಲಿನ್ ರೇಗೊ ,ಭಗಿನಿಯರು ಮತ್ತಿತರರು ಉಪಸ್ಥಿತರಿದ್ದರು.
ಈ ಕಾರ್ಯಕ್ರಮವನ್ನು ಪಾರಿವಾಳ ಹಾರಿಸುವ ಮೂಲಕ ಫಾದರ್ ವಾಲ್ಟೇರ್ ಡಿಮೆಲ್ಲೋ ,ಕ್ಲಿಫೋರ್ಡ್ ಡಿಸೋಜಾ ಉದ್ಘಾಟಿಸಿದರು . ಉದ್ಘಾಟನೆಯ ಬಳಿಕ ಫಾದರ್ ವಾಲ್ಟೇರ್ ಡಿಮೆಲ್ಲೋ ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿದರು . ಚರ್ಚ್ ವಾರ್ಡಿನ ವಿವಿಧ ತಂಡಗಳು ಭಾಗವಹಿಸಿದವು . ಬೆಳಗ್ಗೆ 9.30 ಶುರುವಾದ ವಿವಿಧ ಸ್ಫರ್ಧೆಗಳು ಸಂಜೆ 5 ರ ತನಕ ನಡೆಯಿತ್ತು . ಮಕ್ಕಳು , ಮಹಿಳೆಯರು , ಪುರುಷರು , ವೃದ್ಧರು , ತನ್ನ ದೈನಂದಿನ ಚಟುವಟಿಕೆಗೆ ಬಿಡುವು ಕೊಟ್ಟು , ಮೊಬೈಲ್ ಬದಿಗೆ ಇಟ್ಟು ಗದ್ದೆಯ ಕೆಸರಿನಲ್ಲಿ ಮಿಂದೆದ್ದರು . ಕೊನೆಯಲ್ಲಿ ಹಗ್ಗ ಜಗ್ಗಾಟ ರೋಮಾಂಚನವಾಗಿ ನಡೆಯಿತು.