Director Guruprasad:(ನ.3) ಕನ್ನಡ ಚಿತ್ರರಂಗದ ಖ್ಯಾತ ನಿರ್ದೇಶಕ ಮಠ ಸಿನಿಮಾ ಮೂಲಕ ಗ್ರ್ಯಾಂಡ್‌ ಎಂಟ್ರಿ ನೀಡಿ ಸಕ್ಸಸ್‌ ಕಂಡ ನಿರ್ದೇಶಕ ಡೈರೆಕ್ಟರ್‌ ಅವರು ಮೂಲತಃ ರಾಮನಗರದವರು.
ಇದನ್ನೂ ಓದಿ: ⭕ಉಡುಪಿ: ದಿಶಾಂಕ್ ಆಪ್‌ನಲ್ಲಿ ಕಾಣಿಸಿಕೊಂಡ ಸುಲ್ತಾನ್‌ಪುರ!!
ಇವರು ನವೆಂಬರ್‌ 2, 1972 ರಂದು ಜನಿಸಿದ್ದು, ಇದೀಗ ಇವರು ಜನ್ಮದಿನದ ಮೊದಲೇ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ಸಾಲಗಾರರ ಕಿರುಕುಳ, ಹಣಕಾಸಿನ ತೊಂದರೆಯಿಂದಲೇ ಆತ್ಮಹತ್ಯೆಗೆ ಶರಣಾದ್ರ ? ಎನ್ನುವುದು ತನಿಖೆಯಿಂದ ತಿಳಿದು ಬರಬೇಕಿದೆ.
ಅಪಾರ್ಟ್‌ಮೆಂಟ್‌ನಿಂದ ವಾಸನೆ ಬರುತ್ತಿರುವುದನ್ನು ಅಕ್ಕಪಕ್ಕದವರು ಗಮನಿಸಿ ಬಾಗಿಲು ತೆಗೆದು ನೋಡಿದಾಗ, ಗುರುಪ್ರಸಾದ್ ಅವರು ಆತ್ಮಹತ್ಯೆ ಮಾಡಿಕೊಂಡಿರುವುದು ಬೆಳಕಿಗೆ ಬಂದಿದೆ.
ಮೃತದೇಹ ಕೊಳೆತ ಸ್ಥಿತಿಯಲ್ಲಿ ನೇಣುಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ ಎಂದು ತಿಳಿದು ಬಂದಿದೆ. ಹಾಗಾದರೆ ಇವರು ಆತ್ಮಹತ್ಯೆ ಮಾಡಿಕೊಂಡಿರುವುದು ಯಾವಾಗ? ಎನ್ನುವುದು ಪೋಸ್ಟ್‌ಮಾರ್ಟಂ ಮೂಲಕ ತಿಳಿದು ಬರಲಿದೆ.
2006 ರಲ್ಲಿ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ನೀಡಿದ್ದ ಗುರುಪ್ರಸಾದ್ ಅವರು, ಮಠ ಸಿನಿಮಾ ಮೂಲಕ ಸ್ಯಾಂಡಲ್‌ವುಡ್‌ಗೆ ಬಂದಿದ್ದರು. ಮಠ , ಎದ್ದೇಳು ಮಂಜುನಾಥ, ಡೈರೆಕ್ಟರ್‌ ಸ್ಪೆಷಲ್‌, ರಂಗನಾಯಕ, ಎರಡನೇ ಸಲ ನಿಮಾಗಳನ್ನು ನಿರ್ದೇಶನ ಮಾಡಿದ್ದಾರೆ.
ಒಟ್ಟು 10 ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದರು ಗುರುಪ್ರಸಾದ್. ಹಾಗೇನೇ ರಿಯಾಲಿಟಿ ಶೋ ಆದ ಬಿಗ್‌ಬಾಸ್‌ ಸೀಸನ್‌ 2 ಸ್ಪರ್ಧಿಯಾಗಿದ್ದರು. ಗುರುಪ್ರಸಾದ್ ಅವರು ನಿರ್ದೇಶನ, ನಟನೆಯಲ್ಲಿ ಸೈ ಎನಿಸಿಕೊಂಡಿದ್ದರು.
ಗುರುಪ್ರಸಾದ್ ನಿರ್ದೇಶನದ “ಎದ್ದೇಳು ಮಂಜುನಾಥ” ಸಿನಿಮಾಗೆ ರಾಜ್ಯ ಚಲನಚಿತ್ರ ಪ್ರಶಸ್ತಿ ಬಂದಿತ್ತು.
