ಬೆಳ್ತಂಗಡಿ: ಬೋಧನಾ ವೃತ್ತಿಯಲ್ಲಿರುವವರ ದೈಹಿಕ ಮತ್ತು ಮಾನಸಿಕ ಆರೋಗ್ಯಕ್ಕೆ ಹೆಚ್ಚಿನ ಒತ್ತು ನೀಡುವ ಉದ್ದೇಶದಿಂದ, ಬೆಳ್ತಂಗಡಿಯ ಪ್ರತಿಷ್ಠಿತ ‘ಗಣೇಶ್ ಮೆಡಿಕಲ್ ಎಂಡ್ ಟ್ರಾಮಾ ಕೇರ್ ಸೆಂಟರ್’ ವತಿಯಿಂದ ಶಿಕ್ಷಕರಿಗಾಗಿ ವಿಶೇಷ ಬೇಸಿಗೆ ಶಿಬಿರವನ್ನು ಆಯೋಜಿಸಲಾಗಿದೆ.
ನಿರಂತರ ಕೆಲಸದ ಒತ್ತಡ, ನಿಂತುಕೊಂಡೇ ಪಾಠ ಮಾಡುವ ದೈಹಿಕ ಶ್ರಮ ಹಾಗೂ ಮಾನಸಿಕ ಒತ್ತಡದ ನಡುವೆ ಶಿಕ್ಷಕರು ತಮ್ಮ ಆರೋಗ್ಯದ ಬಗ್ಗೆ ಕಾಳಜಿ ವಹಿಸುವುದು ಅನಿವಾರ್ಯವಾಗಿದೆ. ಈ ನಿಟ್ಟಿನಲ್ಲಿ ‘ಚಾಕ್ ಔಟ್’ (Chalk Out) ಎಂಬ ವಿಶಿಷ್ಟ ಥೀಮ್ ಅಡಿಯಲ್ಲಿ ಶಿಕ್ಷಕರಿಗೆ ತರಬೇತಿ ಮತ್ತು ಮಾರ್ಗದರ್ಶನ ನೀಡಲು ಈ ಶಿಬಿರವು ಸಜ್ಜಾಗಿದೆ.
ದಿನಾಂಕ: ಮೇ 11 ರಿಂದ ಮೇ 15 ರವರೆಗೆ (ಒಟ್ಟು 5 ದಿನಗಳು)
ಸಮಯ: ಪ್ರತಿದಿನ ಸಂಜೆ 4:00 ರಿಂದ 5:00 ರವರೆಗೆ
ಸ್ಥಳ: ಗಣೇಶ್ ಮೆಡಿಕಲ್ ಎಂಡ್ ಟ್ರಾಮಾ ಕೇರ್ ಸೆಂಟರ್, ಸೀಡ್ ಫಾರ್ಮ್ ರಸ್ತೆ (ಬಸ್ ನಿಲ್ದಾಣದ ಎದುರು), ಬೆಳ್ತಂಗಡಿ.
ಬೋಧನಾ ವೃತ್ತಿಯ ನಡುವೆ ಮಾನಸಿಕ ಒತ್ತಡವನ್ನು ಸಮತೋಲನಗೊಳಿಸುವ ಕುರಿತು ಮಾಹಿತಿ. ದೈನಂದಿನ ಕಾರ್ಯದ ನಡುವೆ ಸೂಕ್ತ ವ್ಯಾಯಾಮ ಮತ್ತು ಆಹಾರ ಪದ್ಧತಿಯ ಬಗ್ಗೆ ಮಾರ್ಗದರ್ಶನ.ದೀರ್ಘಕಾಲ ನಿಂತು ಪಾಠ ಮಾಡುವುದರಿಂದ ಉಂಟಾಗುವ ಬೆನ್ನುನೋವು, ಕಾಲುನೋವುಗಳ ನಿವಾರಣೆಗೆ ಸಲಹೆಗಳು.
ಬೆಳ್ತಂಗಡಿ ಸೀಡ್ ಫಾರ್ಮ್ ರಸ್ತೆ ಹಾಗೂ ಬಸ್ ನಿಲ್ದಾಣದ ಎದುರು ಕಾರ್ಯಾಚರಿಸುತ್ತಿರುವ ಗಣೇಶ್ ಮೆಡಿಕಲ್ ಎಂಡ್ ಟ್ರಾಮಾ ಕೇರ್ ಸೆಂಟರ್, ತನ್ನ ಗುಣಮಟ್ಟದ ಸೇವೆಯ ಮೂಲಕ ಜನಮನ್ನಣೆ ಗಳಿಸಿದ್ದು, ಇದೀಗ ಶಿಕ್ಷಕ ಸಮುದಾಯದ ಆರೋಗ್ಯ ರಕ್ಷಣೆಗೆ ಮುಂದಾಗಿದೆ.
ಬೋಧನಾ ವೃತ್ತಿಯಲ್ಲಿರುವವರು ತಮ್ಮ ಒತ್ತಡದ ಜೀವನಶೈಲಿಯ ನಡುವೆ ಆರೋಗ್ಯವನ್ನು ಹೇಗೆ ಕಾಪಾಡಿಕೊಳ್ಳಬೇಕು ಎಂಬ ಬಗ್ಗೆ ಈ ಶಿಬಿರದಲ್ಲಿ ತರಬೇತಿ ಮತ್ತು ಮಾಹಿತಿ ನೀಡಲಾಗುವುದು. ಈ ಶಿಬಿರದಲ್ಲಿ ಭಾಗವಹಿಸಲು ಆಸಕ್ತಿ ಇರುವ ಶಿಕ್ಷಕರು ಈ ಕೆಳಗಿನ ಫೋನ್ ಸಂಖ್ಯೆಗಳನ್ನು ಸಂಪರ್ಕಿಸಿ ತಮ್ಮ ಹೆಸರನ್ನು ನೋಂದಾಯಿಸಿಕೊಳ್ಳಬಹುದು:
📞 9480953331
📞 9448548731
ಬೆಳ್ತಂಗಡಿ ತಾಲೂಕಿನ ಶಿಕ್ಷಕರು ಈ ಸುವರ್ಣ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳಬೇಕೆಂದು ಸಂಸ್ಥೆಯು ಪ್ರಕಟಣೆಯಲ್ಲಿ ಕೋರಿದೆ.
