ಬೆಳ್ತಂಗಡಿ: ಬೆಳ್ತಂಗಡಿಯ ಮಂಜೊಟ್ಟಿಯ ಸ್ಟಾರ್‌ಲೈನ್ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ನಡೆದ 2026–27ನೇ ಸಾಲಿನ ಕ್ಲಸ್ಟರ್ ಮಟ್ಟದ ಪ್ರೌಢಶಾಲಾ ಪ್ರತಿಭಾ ಕಾರಂಜಿ ಸ್ಪರ್ಧೆಯಲ್ಲಿ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಆಂಗ್ಲ ಮಾಧ್ಯಮ ಶಾಲೆ, ಬೆಳ್ತಂಗಡಿಯ ವಿದ್ಯಾರ್ಥಿಗಳು ತಮ್ಮ ಅದ್ಭುತ ಪ್ರತಿಭೆಯನ್ನು ಅನಾವರಣಗೊಳಿಸಿ ಶಾಲೆಗೆ ಕೀರ್ತಿ ತಂದಿದ್ದಾರೆ.
ವಿವಿಧ ಸ್ಪರ್ಧೆಗಳಲ್ಲಿ ಭಾಗವಹಿಸಿದ ವಿದ್ಯಾರ್ಥಿಗಳು ಒಟ್ಟು 11 ಬಹುಮಾನಗಳನ್ನು ಗಳಿಸುವ ಮೂಲಕ ಗಮನಾರ್ಹ ಸಾಧನೆ ಮಾಡಿದ್ದಾರೆ. ಇದರಲ್ಲಿ 6 ಪ್ರಥಮ, 3 ದ್ವಿತೀಯ ಹಾಗೂ 2 ತೃತೀಯ ಬಹುಮಾನಗಳು ಸೇರಿವೆ.
ಪ್ರಥಮ ಬಹುಮಾನ ಪಡೆದವರು:
- ಜಾನಪದ ನೃತ್ಯ: ಸಂಜನಾ, ತೇಜಸ್, ಶ್ರೀಶಾ, ಭೂಮಿಕಾ ವರ್ಷಿಣಿ ಹಾಗೂ ಋದ್ಧಿಶ್ರೀ.
- ಭಾಷಣ (Pick and Speech): ಸಂಜನಾ.
- ಚಿತ್ರಕಲೆ: ಬೃಂದಾ.
- ಧಾರ್ಮಿಕ ಪಠಣ (ಸಂಸ್ಕೃತ): ಇಂಚರಾ.
- ಭರತನಾಟ್ಯ: ನಿದೀಶಾ.
- ಖವ್ವಾಲಿ: ಶ್ರೀವಿನಿತ್, ನಿದೀಶ್, ಶ್ರೇಯಸ್, ಶಿರಾಕ್ಷಾ, ರಿತಿಕಾ ಶೆಣೈ ಹಾಗೂ ರಿಶಿತಾ.
ದ್ವಿತೀಯ ಬಹುಮಾನ ಪಡೆದವರು:
- ಗಜಲ್: ಪ್ರಾಪ್ತಿ ವಿ. ಶೆಟ್ಟಿ.
- ಹಿಂದಿ ಭಾಷಣ: ರಿತಿಕಾ ಶೆಣೈ.
- ಜಾನಪದ ಗೀತೆ: ಶ್ರೀರಕ್ಷಾ.
ತೃತೀಯ ಬಹುಮಾನ ಪಡೆದವರು:
- ಆಂಗ್ಲ ಭಾಷಣ: ಸ್ಥವ್ಯ ಆರ್. ಶೆಟ್ಟಿ.
- ಚರ್ಚಾ ಸ್ಪರ್ಧೆ: ದೀಪ್ತಾ.
ವಿದ್ಯಾರ್ಥಿಗಳ ಈ ಸಾಧನೆಗೆ ಶಾಲಾ ಆಡಳಿತ ಮಂಡಳಿ, ಮುಖ್ಯೋಪಾಧ್ಯಾಯರಾದ ಶ್ರೀಮತಿ ಹೇಮಲತಾ ಎಂ. ಆರ್. ಹಾಗೂ ಶಿಕ್ಷಕ ವೃಂದದವರು ಹೃತ್ಪೂರ್ವಕ ಅಭಿನಂದನೆಗಳನ್ನು ಸಲ್ಲಿಸಿ, ಮುಂದಿನ ಹಂತದ ಸ್ಪರ್ಧೆಗಳಲ್ಲಿಯೂ ಹೆಚ್ಚಿನ ಯಶಸ್ಸು ಸಾಧಿಸುವಂತೆ ಶುಭ ಹಾರೈಸಿದ್ದಾರೆ.
