Shishila: ಶಿಶಿಲ ಒಟ್ಲ ಭಾಗದಲ್ಲಿ ಕಳೆದ ರಾತ್ರಿ ಕಾಡಾನೆಗಳ ದಾಳಿ – ಕೃಷಿ, ಗದ್ದೆಗಳಿಗೆ ಅಪಾರ ಹಾನಿ

ಶಿಶಿಲ: ಶಿಶಿಲದ ಒಟ್ಲ ಭಾಗದಲ್ಲಿ ಕಳೆದ ರಾತ್ರಿ ಏಕಾಏಕಿ ನುಗ್ಗಿದ ಕಾಡಾನೆಗಳು, ಅಪಾರ ಪ್ರಮಾಣದ ಕೃಷಿ ಬೆಳೆಗೆ ಹಾಗೂ ಭತ್ತದ ಗದ್ದೆಗಳಿಗೆ ತೀವ್ರ ಹಾನಿ ಉಂಟುಮಾಡಿದೆ.

ರೈತರು ಬೆಳೆದಿದ್ದ ತೆಂಗು, ಅಡಿಕೆ, ಬಾಳೆ ಗಿಡಗಳನ್ನು ಆನೆಗಳು ಕಿತ್ತೆಸೆದು ನಾಶಪಡಿಸಿವೆ. ಅಷ್ಟೇ ಅಲ್ಲದೆ, ಕಟಾವಿಗೆ ಬಂದಿದ್ದ ಭತ್ತದ ಗದ್ದೆಗಳಿಗೂ ನುಗ್ಗಿ ತುಳಿದು ಹಾಳುಮಾಡಿವೆ.