ಬೆಳ್ತಂಗಡಿ: ದ್ವಿತೀಯ ಪಿಯುಸಿ ಪರೀಕ್ಷೆಯಲ್ಲಿ ಅತ್ಯುತ್ತಮ ಅಂಕಗಳೊಂದಿಗೆ ‘ಡಿಸ್ಟಿಂಕ್ಷನ್’ ಪಡೆದು ಸಾಧನೆಗೈದ ಕುಮಾರಿ ಶ್ರುತಿಕಾ ಅವರಿಗೆ ಶಾಸಕರ ಪರವಾಗಿ ವಿಶೇಷ ಸನ್ಮಾನ ಸಲ್ಲಿಸಲಾಗಿದೆ.
ದ್ವಿತೀಯ ಪಿಯುಸಿ ಫಲಿತಾಂಶದಲ್ಲಿ ಅತ್ಯುತ್ತಮ ಸಾಧನೆ ಮಾಡಿ, ‘ಡಿಸ್ಟಿಂಕ್ಷನ್’ ಗಳಿಸುವ ಮೂಲಕ ಕ್ಷೇತ್ರದ ಹಾಗೂ ಹೆತ್ತವರ ಕೀರ್ತಿ ಹೆಚ್ಚಿಸಿದ ಕುಮಾರಿ ಶ್ರುತಿಕಾ ಅವರ ನಿವಾಸಕ್ಕೆ ಶಾಸಕರ ಪ್ರತಿನಿಧಿಗಳು ಭೇಟಿ ನೀಡಿದರು.
ಶಾಸಕರ ನಿರ್ದೇಶನದಂತೆ ಅವರ ಗೃಹಕ್ಕೆ ತೆರಳಿದ ಕಾರ್ಯಕರ್ತರು ಮತ್ತು ಬೆಂಬಲಿಗರು, ಶ್ರುತಿಕಾ ಅವರಿಗೆ ಶಾಲು ಹೊದಿಸಿ, ಫಲ-ತಾಂಬೂಲ ಹಾಗೂ ನೆನಪಿನ ಕಾಣಿಕೆ ನೀಡಿ ಗೌರವಿಸಿದರು.
